Influénsia Kreatividade Manorin Ba Motivasaun Estuda Alunu Iha Ensino Básico Central Católico Saõ Luis Gonzaga, Suai

Abstract

Objetivuhusi peskiza ne’e maka atu hatene iha ka lae influensia husi kriatividade manorin ba motivasaun estuda alunu nian, nomos boot oinsá influensia husi kreatividade manorin ba motivasaun estuda alunu nian iha Ensino Básico Central Católico São Luis Gonzaga, Suai. Métodu ne’ebé uja maka kuantitativu, ho amostra hamutuk nain 46. Hosi rezultadu teste instrumentu variável hotu tama iha kategoria validu no fiabel, ho nune’e intrumentu refere kontinua uja iha iha peskiza ida-ne’e, hodi prova katak iha duni ka lae influensia hosi kreatividade manorin ba motivasaun estuda alunu nian. Antes hala’o teste ipoteze, dahuluk halo teste normalidade no linearidade ba dadus, hosi teste refere hetan rezultadu normalidade ba variavel kreatividade manorin ho valor mak hanesan X²_kontajen < X²_tabela (16.609 < 19.675) no Asymp. Sig. > α (0.120 > 0.05), no variavel motivasaun estuda alunu ho valor mak hanesan X²_kontajen < X²_tabela (12.783 < 21.026) no Asymp. Sig. > α ka (0.385 > 0.05). Entretantu hosi teste linearidade hatudu katak dadus hirak ne’e ho distribusaun linear tamba bazeia ba rezultadu teste linearidade variavel motivasaun estuda alunu ba kreatividade manorin ho valor F_kontajen < F_tabela (0.695 < 2.123) no valor Sig. > α (0.722 > 0.05). Hosi rezultadu teste ipoteze hatudu rezultadu ne’ebé pozitivu, ne’e signika katak iha duni influensia husi  kreatividade manorin ba motivasaun estuda alunu nian. Razaun ida-ne’e hetan hosi halo komparasaun entre valor F_kontajen ho F_tabela ne’ebé mak ho nia valor F_kontajen > F_tabela (342.168 > 4.062). Rezultadu peskiza ne’e mós, hatudu katak motivasaun estuda alunu nian 88.60% influensia husi kreatividade manorin nian.